Thu Sep 12 17:58:00 UTC 2024: ## ടൊവിനോയുടെ ‘എ.ആർ.എം’ തിയേറ്ററുകളിൽ ആഘോഷമായി!
ടൊവിനോ തോമസിന്റെ പുതിയ ചിത്രം ‘എ.ആർ.എം’ ഓണം റിലീസായി തിയേറ്ററുകളിൽ എത്തി. ആദ്യ ദിവസം തന്നെ മികച്ച പ്രതികരണമാണ് ചിത്രം നേടിയത്.
ദൃശ്യ വിരുന്ന് എന്നാണ് പലരും ചിത്രത്തെ വിശേഷിപ്പിച്ചിരിക്കുന്നത്. ആദ്യ പകുതി ഗംഭീരമെന്ന് ഒരുകൂട്ടർ പറയുമ്പോൾ ആദ്യ പകുതിയെക്കാൾ രണ്ടാം പകുതി കസറി എന്നാണ് മറ്റ് പലരുടെയും അഭിപ്രായം. ബ്ലോക്ക് ബസ്റ്റർ ടാഗ് നൽകുന്നവരും ഉണ്ട്. ടൊവിനോ തോമസിന്റെ ക്ലാസിക് പെർഫോമൻസ് ആരാധകർക്കിഷ്ടപ്പെട്ടു.
മൂന്ന് കാലഘട്ടങ്ങളുടെ കഥ പറയുന്ന ചിത്രത്തിൽ മണിയൻ, അജയൻ, കുഞ്ഞികേളു എന്നീ പേരുകളിലുള്ള മൂന്ന് കഥാപാത്രങ്ങളെയാണ് ടൊവിനോ അവതരിപ്പിക്കുന്നത്. ജിക് ഫ്രെയിംസ്, യു.ജി.എം മോഷൻ പിക്ചേഴ്സ് എന്നീ ബാനറുകളിൽ ലിസ്റ്റിൻ സ്റ്റീഫൻ, ഡോ. സക്കറിയ തോമസ് എന്നിവർ ചേർന്നാണ് എആർഎം നിർമ്മിച്ചിരിക്കുന്നത്. കൃതി ഷെട്ടി, ഐശ്വര്യ രാജേഷ്, സുരഭി ലക്ഷ്മി എന്നിവരാണ് ചിത്രത്തിൽ നായികമാരായി എത്തുന്നത്. തെലുങ്ക് ചിത്രങ്ങളിലൂടെ പ്രശസ്തി നേടിയ കൃതി ഷെട്ടിയുടെ ആദ്യ മലയാളം സിനിമ കൂടിയാണിത്.
First Piper 