Thu Oct 17 05:55:26 UTC 2024: ## ശബരിമലയിൽ പുതിയ മേൽശാന്തിമാരെ തെരഞ്ഞെടുത്തു
**പന്തളം:** ശബരിമല ക്ഷേത്രത്തിന്റെ പുതിയ മേൽശാന്തിയായി എസ്. അരുണ്കുമാര് നമ്പൂതിരിയെ നറുക്കെടുപ്പ് വഴി തെരഞ്ഞെടുത്തു. കൊല്ലം ശക്തിക്കുളങ്ങര സ്വദേശിയായ അരുണ്കുമാര് തിരുവനന്തപുരം ആറ്റുകാല് ക്ഷേത്രത്തിലെ മുന് മേൽശാന്തിയാണ്. മാളികപ്പുറം മേൽശാന്തിയായി വാസുദേവൻ നമ്പൂതിരിയെ തെരഞ്ഞെടുത്തു.
പന്തളം കൊട്ടാരത്തിലെ ഇളമുറക്കാരായ ഋഷികേശ്, വൈഷ്ണവി എന്നീ കുട്ടികളാണ് ഇരുവരെയും തെരഞ്ഞെടുത്തത്. 24 പേരിൽ നിന്നാണ് അരുണ്കുമാറിനെ ശബരിമല മേൽശാന്തിയായി തെരഞ്ഞെടുത്തത്. 15 പേരിൽ നിന്നാണ് വാസുദേവനെ മാളികപ്പുറം മേൽശാന്തിയായി നറുക്കെടുത്തത്.
ഉഷപൂജക്ക് ശേഷം രാവിലെ 7.30യോടെയാണ് നറുക്കെടുപ്പ് നടന്നത്. നവംബർ 15ന് മണ്ഡലകാലം ആരംഭിക്കുന്നതോടെ പുതിയ മേൽശാന്തിമാർ ചുമതല ഏറ്റെടുക്കും. ഒക്ടോബർ 21ന് നട അടയ്ക്കും.
First Piper 