Fri Sep 20 14:51:45 UTC 2024: ## പ്രശസ്ത നടി കവിയൂർ പൊന്നമ്മ അന്തരിച്ചു
കൊച്ചി: മലയാള സിനിമയുടെ പ്രിയപ്പെട്ട അമ്മ, നടി കവിയൂർ പൊന്നമ്മ (79) അന്തരിച്ചു. വാർധക്യ സഹജമായ അസുഖങ്ങളെ തുടർന്ന് ചി കിത്സയിലിരിക്കെ കൊച്ചിയിലെ സ്വകാര്യ ആശുപത്രിയിലായിരുന്നു അന്ത്യം.
എഴുന്നൂറിലധികം സിനിമകളിൽ അഭിനയിച്ച കവിയൂർ പൊന്നമ്മ അമ്മ വേഷങ്ങളിൽ പകരംവക്കാനില്ലാത്ത നടിയായിരുന്നു. 1945 സെപ്റ്റംബർ 10ന് പത്തനംതിട്ട ജില്ലയിലെ കവിയൂരിൽ ജനിച്ച പൊന്നമ്മയുടെ കുട്ടിക്കാലം പൊൻകുന്നത്തായിരുന്നു. 14-ാമത്തെ വയസ്സിൽ പ്രതിഭ ആർട്സിന്റെ നാടകങ്ങളിൽ ഗായികയായി കലാരംഗത്തേക്ക് കടന്നുവന്നു. 1962 ൽ “ശ്രീരാമ പട്ടാഭിഷേകം” എന്ന സിനിമയിലൂടെയാണ് അഭിനയരംഗത്തേക്ക് കടക്കുന്നത്.
1965 ൽ “തൊമ്മന്റെ മക്കളിൽ” സത്യന്റെയും മധുവിന്റെയും അമ്മയായി അഭിനയിച്ചു. 1973 ൽ “പെരിയാർ” എന്ന ചിത്രത്തിൽ മകനായി അഭിനയിച്ച തിലകൻ പിൽക്കാലത്ത് കവിയൂർ പൊന്നമ്മയുടെ ഭർത്താവ് എന്ന നിലക്ക് മികച്ച ജോടികളായി ശ്രദ്ധനേടി.
“നെല്ല്” (1974) എന്ന ചിത്രത്തിൽ സാവിത്രി എന്ന കഥാപാത്രത്തെ അവതരിപ്പിച്ചു. “തീർത്ഥയാത്ര”യിലെ ‘അംബികേ ജഗദംബികേ’ എന്ന ഭക്തിഗാനവും പൊന്നമ്മ പാടി.
മലയാള സിനിമാരംഗത്തെ മിക്ക പ്രമുഖ നടൻമാരുടെയും അമ്മയായി കവിയൂർ പൊന്നമ്മ വേഷമിട്ടിട്ടുണ്ടെങ്കിലും മോഹൻലാലിന്റെ അമ്മയായുള്ള വേഷങ്ങൾ ഏറെ ശ്രദ്ധിക്കപ്പെട്ടവയാണ്. മികച്ച സഹനടിക്കുള്ള സംസ്ഥാനചലച്ചിത്ര അവാർഡ് നാലുതവണ (1971, 1972, 1973, 1994) കവിയൂർ പൊന്നമ്മക്ക് ലഭിച്ചു.
നടി കവിയൂർ പൊന്നമ്മയുടെ വിയോഗം മലയാള സിനിമാരംഗത്തിന് വലിയ നഷ്ടമാണ്.
First Piper 