Tue Nov 12 11:09:11 UTC 2024: ## ശക്തിമാന് തിരിച്ചുവരുന്നു: മുകേഷ് ഖന്നയുടെ പ്രഖ്യാപനം ട്രോളുകള്ക്ക് കാരണമായി
90-കളിലെ കുട്ടികളുടെ ഏറ്റവും പ്രിയപ്പെട്ട സൂപ്പര്ഹീറോ ‘ശക്തിമാന്’ വീണ്ടുമെത്തുമെന്ന സൂചന നല്കിയിരിക്കുകയാണ് ആ കഥാപാത്രത്തെ അവതരിപ്പിച്ച മുകേഷ് ഖന്ന. തന്റെ സോഷ്യല് മീഡിയ പേജുകളിലൂടെയും യൂട്യൂബ് ചാനലിലൂടെയും ‘ശക്തിമാന്’ വരുന്നുവെന്ന സൂചനകള് നല്കിയ മുകേഷ്, ആ കഥാപത്രത്തെ വീണ്ടും അവതരിപ്പിക്കാന് കഴിയുന്നതില് സന്തോഷം പ്രകടിപ്പിച്ചു.
“ശക്തിമാന് ഞാന് വളരെ ഭംഗിയായി ചെയ്തു. ആ കഥാപാത്രം എന്റെ ഉള്ളില്നിന്ന് തന്നെ വന്നതാണ്. ക്യാമറയെ പോലും മറന്നാണ് ആ കഥാപാത്രത്തെ അവതരിപ്പിച്ചത്. അത് തിരിച്ചുകൊണ്ടുവരികയെന്നത് തന്റെ കടമയാണെന്നും അദ്ദേഹം കൂട്ടിച്ചേര്ക്കുന്നു.
ഈ പ്രഖ്യാപനത്തോടൊപ്പം, മുകേഷ് ഖന്ന രണ്വീര് സിങ് അഭിനയിക്കുന്ന ‘ശക്തിമാന്’ സിനിമയെക്കുറിച്ചും തന്റെ അഭിപ്രായം പങ്കുവെച്ചു. തന്റെ കഥാപാത്രത്തോട് രണ്വീര് സിങ്ങിന് നീതി പുലര്ത്താന് കഴിയില്ലെന്നാണ് മുകേഷ് പറയുന്നത്. “കഥാപാത്രത്തിനാവശ്യമായ ഭാവങ്ങളൊന്നും രണ്വീറിന്റെ മുഖത്തുവരുന്നില്ല. ശക്തിമാന് കഥാപാത്രത്തിലേക്ക് രണ്വീര് ഒരിക്കലും നല്ല ചോയ്സ് അല്ലെന്നും” അദ്ദേഹം കൂട്ടിച്ചേര്ത്തു.
മുകേഷിന്റെ പ്രഖ്യാപനം നെറ്റിസണ്സില് നിന്ന് കടുത്ത പ്രതികരണങ്ങള്ക്ക് കാരണമായി. ‘ശക്തിമാന്’ തങ്ങളുടെ മനസ്സിലെ മനോഹരമായ ഓര്മയാണ്, അതിനെ നശിപ്പിക്കരുതെന്നാണ് ആളുകള് അപേക്ഷിക്കുന്നത്. ഇനി വേറെ ആരെങ്കിലും ശക്തിമാന് റോള് ചെയ്യുന്നതാണ് നല്ലതെന്നും അവര് പറയുന്നു.
1997-ല് ദൂരദര്ശനില് ആരംഭിച്ച ‘ശക്തിമാന്’, 90-കളില് ആളുകള്ക്ക് ആവേശം പകര്ന്ന സൂപ്പര്ഹീറോ പരമ്പരയായിരുന്നു. ധ്യാനത്തിലൂടെ അമാനുഷികശക്തി ലഭിക്കുന്ന ഒരു സാധാരണമനുഷ്യനാണ് കേന്ദ്രകഥാപാത്രം. ചുവപ്പും സ്വര്ണനിറവും ചേര്ന്ന പ്രത്യേകതരം വസ്ത്രമാണ് ശക്തിമാന്റെ പ്രത്യേകത. 450 എപ്പിസോഡുകള്ക്കുശേഷം 2005-ലാണ് പരിപാടി അവസാനിപ്പിക്കുന്നത്.
First Piper 