Mon Nov 11 12:47:54 UTC 2024: ## സിംഗിള്സ് ഡേ: ഒറ്റക്കുള്ളവർക്ക് സ്വയം ആഘോഷിക്കാൻ ഒരു ദിനം
നവംബർ 11 ലോകമെമ്പാടും സിംഗിള്സ് ഡേ ആയി ആചരിക്കുന്നു. പ്രണയബന്ധങ്ങളില്ലാത്തവർക്ക് സ്വയം മതിമറന്ന് ആഘോഷിക്കാൻ വേണ്ടിയാണ് ഈ ദിവസം. ചൈനയിലെ നാന്ജിങ് സർവകലാശാലയിലെ വിദ്യാർത്ഥികളാണ് 90-കളിൽ ഈ ദിനം ആചരിക്കാൻ തുടങ്ങിയത്. 11-ാം മാസത്തിലെ 11-ാം ദിവസം, 11.11 എന്നെഴുതുമ്പോള് ഒന്ന് എന്ന അക്കം നാലുതവണ വരുന്നത് സിംഗിള്സിന്റെ പ്രതീകമായി കരുതുന്നു.
2009 ൽ ചൈനയിലെ ഇ-കൊമേഴ്സ് ഭീമനായ ആലിബാബ സിംഗിള്സ് ഡേ പ്രമാണിച്ച് വ്യത്യസ്ത ഓഫറുകള് നൽകിയതോടെ വാണിജ്യപരമായും ഈ ദിനം പ്രചാരം നേടി. യാത്രകൾ ചെയ്ത്, ഇഷ്ടപ്പെട്ട സിനിമകൾ കണ്ട്, ഷോപ്പിങ് നടത്തി എന്നിങ്ങനെ ഒറ്റയ്ക്കുള്ളവര് ഈ ദിവസം ആഘോഷിക്കുന്നു.
ഇത്തവണത്തെ സിംഗിള്സ് ഡേയിലും പ്രമുഖ ഇ-കൊമേഴ്സ് കമ്പനികളും ട്രാവല്, ഇലക്ട്രോണിക് കമ്പനികളും വ്യത്യസ്ത ഓഫറുകളുമായി രംഗത്തെത്തിയിട്ടുണ്ട്. ഒറ്റയ്ക്ക് യാത്ര ചെയ്യുന്നവർക്ക് വിമാന ടിക്കറ്റുകളിൽ അടക്കം ഓഫറുകള് നൽകി ട്രാവല് കമ്പനികളും ഡിസ്കൗണ്ടുകള് പ്രഖ്യാപിച്ച് ഹോട്ടലുകളും സിംഗിളായിട്ടുള്ളവരെ സന്തോഷിപ്പിക്കുന്നു. ഇന്ത്യയിൽ ഈ ദിനത്തിന് വലിയ പ്രചാരം ലഭിച്ചിട്ടില്ലെന്നത് ശ്രദ്ധേയമാണ്.
First Piper 