Mon Nov 11 03:43:50 UTC 2024: ## இந்தியாவின் வரலாற்றுத் தோல்வியால் ஏமாற்றம் அடைந்த அஸ்வின்
நியூசிலாந்து அணி இந்தியாவில் 3-0 என்ற கணக்கில் டெஸ்ட் தொடரை வென்று வரலாற்று சாதனையை படைத்தது. இது இந்தியாவின் சொந்த மண்ணில் டெஸ்ட் தொடர் தோல்வியின் முதல் நிகழ்வாகும்.
தோல்வியால் மிகப்பெரிய ஏமாற்றத்தில் இருக்கும் ரவிச்சந்திரன் அஸ்வின் தனது யூடியூப் சேனலில் தனது ஏமாற்றத்தை வெளிப்படுத்தினார். “போட்டியில் என்னுடைய பங்களிப்பு சரியாக இல்லை. நான் இந்த தோல்விக்கு மற்றவர்களை குறைகூறும் நபர் அல்ல, முதலில் நான் என்னிடமே அதிகமாக எதிர்ப்பார்க்கிறேன்.” என்று கூறிய அவர், பந்துவீச்சை விட லோயர் பேட்டிங்கில் ரன்களை அடிக்க முடியவில்லை என்பது தனக்கு பெரிய வேதனையாக இருந்ததாக குறிப்பிட்டார்.
அஸ்வின் 6 டெஸ்ட் இன்னிங்ஸ்களில் வெறும் 51 ரன்களே எடுத்திருந்தார்.
“பலர் வீரர்களான எங்களுக்கு எந்தவிதமான வேதனையும் இல்லை, பொதுவெளியில் மன்னிப்பு கேட்க வேண்டும் என்ற விமர்சங்களை வைத்தனர். எனக்குப் புரிகிறது; இந்திய ரசிகர்கள் அனைவரும் மிகப்பெரிய வேதனையில் இருக்கிறார்கள். ஆனால் உங்கள் எல்லோரையும் விட அணியின் வீரர்கள் அனைவருக்கும் அதிகப்படியான வலியும், வேதனையும் இருக்கிறது என்பதை மறந்துவிடக்கூடாது.” என்று கூறி அஸ்வின் தனது வேதனையை வெளிப்படுத்தினார்.
First Piper 