Sun Oct 27 08:19:45 UTC 2024: ## ഇന്ത്യയുടെ ജയത്തിൽ വൈറലായ റണ്ഔട്ട്: സമൂഹമാധ്യമങ്ങളിൽ അഭിനന്ദനം
ന്യൂസിലൻഡിനെതിരായ ഏകദിന പരമ്പരയിലെ ആദ്യ മത്സരത്തിൽ 59 റണ്സിന്റെ ജയം സ്വന്തമാക്കിയ ഇന്ത്യൻ പെൺപടയുടെ വിജയത്തിൽ ഒരു റണ്ഔട്ട് ആണ് ഇപ്പോൾ സമൂഹമാധ്യമങ്ങളിൽ വൈറലായിരിക്കുന്നത്.
ന്യൂസിലൻഡിന്റെ സോഫിയ ഡിവൈൻ ക്രീസിലിരിക്കെ ദീപ്തി ശർമ ബോള് ചെയ്തു. ക്രീസ് ലൈനിന് പുറത്തേക്ക് ഇറങ്ങിയാണ് സോഫി പന്ത് ബ്ലോക്ക് ചെയ്തത്. പെട്ടെന്നുതന്നെ ബോളർ പന്ത് വിക്കറ്റ് കീപ്പർ യാസ്തിക ഭാട്ടിയക്ക് കൈമാറി. യാസ്തിക ബെയിൽസ് ഇളക്കിയപ്പോൾ സോഫിയ ക്രീസ് ലൈനിന് പുറത്തായിരുന്നു.
ഈ സമയത്തുണ്ടായ റണ്ഔട്ട് സാധ്യത മനസിലാക്കി ത്രോ നൽകിയ ബോളറേയും പിഴവുകളില്ലാതെ ബെയിൽസ് ഇളക്കിയ വിക്കറ്റ് കീപ്പറേയും പ്രശംസിച്ചുകൊണ്ടാണ് ആരാധകർ സമൂഹമാധ്യമങ്ങളിൽ പ്രതികരിക്കുന്നത്. രണ്ട് റണ്സ് എടുത്ത് നിന്ന സോഫിയയുടെ റണ്ഔട്ട് ന്യൂസിലൻഡിനെ ബാക്ക്ഫൂട്ടിലേക്ക് തള്ളിവിട്ടു. 228 റണ്സിന്റെ വിജയ ലക്ഷ്യം പിന്തുടർന്ന ന്യൂസിലൻഡ് 168 റണ്സിന് ഓൾഔട്ടായി.
First Piper 