Thu Oct 17 15:00:00 UTC 2024: ## ‘లవ్రెడ్డి’ సినిమా రివ్యూ: ప్రేమ, పరువు, ప్రతిష్టల కథ!
**అక్టోబర్ 18న విడుదల కాబోతున్న ‘లవ్రెడ్డి’ చిత్రం, సున్నితమైన ప్రేమకథను తెరపైకి తీసుకువచ్చింది. సినిమా ముగింపులో “మరణం మనుషులకే కానీ మనసులకి కాదు.. ఈ ప్రపంచంలో పూడ్చిపెట్టలేనిది, పూడ్చినా సజీవంగా ఉండేది ‘ప్రేమ’ ఒక్కటే” అనే కొటేషన్కు తగ్గట్టుగానే చిత్ర కథనమంతా సాగుతుంది.**
నారాయణ రెడ్డి (అంజన్ రామచంద్ర) కి 30 ఏళ్ల వయసు వచ్చినా పెళ్లి కాదు. ఒక రోజు బస్ లో దివ్య (శ్రావణి రెడ్డి) అనే అమ్మాయిని చూసి ప్రేమలో పడతాడు. దివ్య కూడా నారాయణ రెడ్డి తో స్నేహం చేస్తుంది. ప్రేమ విషయాన్ని చెప్పకుండానే ఇద్దరు బాగా క్లోజ్ అవుతారు. కానీ దివ్య నారాయణ ప్రపోజల్ని రిజెక్ట్ చేస్తుంది. దివ్య ఎందుకు రిజెక్ట్ చేసింది? వీరి ప్రేమ కథ చివరికి ఎక్కడికి చేరింది? అనేది సినిమా చూసి తెలుసుకోవాలి.
**డైరెక్టర్ స్మరన్ రెడ్డి, తొలి సినిమానే అయినా, వినోదాత్మకంగా కథను ప్రారంభించి.. చివరిలో ప్రేక్షకుడి గుండెను బరవెక్కించి థియేటర్ నుంచి బయటకు పంపించేశాడు. కొత్త నటీనటులే అయినప్పటికీ వారి నుంచి మంచి ఫెర్ఫార్మెన్స్ ని రాబట్టుకున్నాడు. అంజన్ రామచంద్ర భగ్నప్రేమికుడు నారాయణరెడ్డి పాత్రలో ఒదిగిపోయాడు. దివ్య పాత్రకు శ్రావణి రెడ్డి న్యాయం చేసింది.**
**సాంకేతికంగా సినిమా చాలా బాగుంది. ప్రిన్స్ హేన్రి సంగీతం సినిమాకు ప్రధాన బలం. పాటలు ఆకట్టుకుంటాయి. సినిమాటోగ్రఫీ బాగుంది. ప్రతి ఫ్రేమ్ ని తెరపై రిచ్ గా చూపించాడు. ఎడిటింగ్ పర్వాలేదు. నిర్మాణ విలువలు బాగున్నాయి. మొత్తంగా ఈ సినిమా ప్రేక్షకులను కట్టిపడేస్తుంది. **
**రేటింగ్: 2.75/5**
First Piper 