Wed Oct 16 17:03:59 UTC 2024: ## ശബരിമല: വെർച്വൽ ക്യൂ ബുക്കിംഗ് സീറ്റുകൾ 70,000 ആയി കുറച്ചു
പത്തനംതിട്ട: ശബരിമലയിലേക്കുള്ള വെർച്വൽ ക്യൂ ബുക്കിംഗ് സീറ്റുകളുടെ എണ്ണം 70,000 ആയി കുറച്ചതായി തിരുവിതാംകൂർ ദേവസ്വം ബോർഡ് പ്രസിഡന്റ് പി എസ് പ്രശാന്ത് അറിയിച്ചു. നേരത്തെ 80,000 പേർക്ക് വെർച്വൽ ക്യൂ വഴി ബുക്ക് ചെയ്യാനാകുമെന്ന് അറിയിച്ചിരുന്നെങ്കിലും സ്പോട്ട് ബുക്കിംഗ് ഏർപ്പെടുത്തുന്നതിന് പുതിയ ക്രമീകരണം നടപ്പിലാക്കി.
“കഴിഞ്ഞതവണത്തെ തിരക്ക് കണക്കിലെടുത്താണ് നിയന്ത്രണം ഏർപ്പെടുത്തിയിരിക്കുന്നത്. പ്രതിദിനം 70,000 പേർക്ക് പ്രവേശനം തുറന്നിട്ടുണ്ട്. ബാക്കി 10,000 പേരെ എന്ത് ചെയ്യണമെന്ന് കൂടി ആലോചിച്ച് തീരുമാനിക്കും. ഒരു ഭക്തനും ദർശനം നടത്താതെ തിരിച്ച് പോകേണ്ടി വരില്ല,” പ്രശാന്ത് പറഞ്ഞു.
തിരക്ക് വർദ്ധിക്കുന്നതിന് അനുസരിച്ച് വെർച്വൽ ക്യൂ എണ്ണം മാറ്റണമോ എന്ന് ആലോചിച്ച് തീരുമാനിക്കുമെന്ന് അദ്ദേഹം കൂട്ടിച്ചേർത്തു. മണ്ഡലകാലത്ത് നട തുറക്കുന്നതിനു മുൻപ് ഈ തീരുമാനമുണ്ടാകും. തുലാ മാസ പൂജകള്ക്കായി നട തുറന്ന ഇന്ന് നല്ല തിരക്കാണ് അനുഭവപ്പെട്ടതെന്നും ഈ തിരക്ക് സാധാരണമാണെന്നും പ്രശാന്ത്് ചൂണ്ടിക്കാട്ടി.
അതിനിടെ, ശബരിമല സ്പോട്ട് ബുക്കിംഗ് നിർത്തലാക്കിയ സർക്കാർ നടപടി ചോദ്യം ചെയ്ത് ഹൈക്കോടതിയിൽ ഹർജി എത്തി. ഹർജിയിൽ സംസ്ഥാന സർക്കാരിനും ദേവസ്വം ബോർഡിനും കോടതി നോട്ടീസ് അയച്ചു. മേൽശാന്തിമാരുടെ തെരഞ്ഞെടുപ്പ് വ്യാഴാഴ്ച നടക്കും. ശബരിമല മേൽശാന്തിയായി 24 പേരും മാളികപ്പുറം മേൽശാന്തിയായി 15 പേരും അന്തിമ പട്ടികയിലുണ്ട്. ശബരിമല മേൽശാന്തി നറുക്കെടുപ്പില് നിന്ന് കോടതി ഉത്തരവ് പ്രകാരം ടി.കെ യോഗേഷ് നമ്പൂതിരിയെന്ന ആളെ ഒഴിവാക്കി.
First Piper 