Mon Oct 14 22:23:36 UTC 2024: ## भारताचा महिला टी-20 वर्ल्डकपचा प्रवास गट फेरीतच संपला
ऑस्ट्रेलियामध्ये सुरू असलेल्या महिला टी-20 वर्ल्डकप स्पर्धेत भारताचे आव्हान गट फेरीतच संपले. न्यूझीलंडने पाकिस्तानचा अवघ्या 56 धावांतच खुर्दा पाडत ११० धावांचा बचाव केला. या विजयासह न्यूझीलंड ‘अ’ गटातून उपांत्य फेरीत पोहोचणारा दुसरा संघ ठरला. न्यूझीलंडच्या विजयाने पाकिस्तानसह भारताचेही आव्हान संपले. ऑस्ट्रेलियाने विजयाच्या चौकारासह उपांत्य फेरीत प्रवेश केला होता. मात्र, ‘ब’ गटातून इंग्लंड आणि दक्षिण आफ्रिका या दोन्ही संघांनी तीन विजयांसह सहा गुण मिळवले आहेत. त्यामुळे मंगळवारी इंग्लंड आणि वेस्ट इंडीज यांच्यातील लढतीनंतरच ‘ब’ गटातील उपांत्य फेरीतील दोन्ही संघ ठरतील.
भारतीय महिलांना वर्ल्डकपच्या सलामीच्या लढतीत न्यूझीलंडविरुद्ध मोठ्या फरकाने पराभव पत्करावा लागला होता. हा पराभव भारताच्या आव्हानासाठी खऱ्या अर्थाने कारणीभूत ठरला. भारतीय महिलांनी पाकिस्तान आणि श्रीलंकेला नमवत स्पर्धेत पुनरागमन केलं होतं. मात्र, रविवारी ऑस्ट्रेलियाविरुद्धच्या अटीतटीच्या लढतीत पराभव झाल्याने भारताचे भवितव्य पाकिस्तानच्या विजयावर अवलंबून होतं. पाकिस्तानला मानहानीकारक पराभव सहन करावा लागला आणि त्यासोबत भारताचे उपांत्य फेरीत पोहोचण्याचे स्वप्नही धुळीस मिळाले.
न्यूझीलंडने प्रथम फलंदाजी करताना 110 धावांची मजल मारली. प्रत्युत्तरादाखल खेळताना पाकिस्तानचा डाव 11.4 षटकांतच केवळ 56 धावांतच आटोपला.
First Piper 