Wed Oct 09 08:42:16 UTC 2024: ## തിരുവോണം ബമ്പര് വില്പ്പന 70 ലക്ഷത്തിലേക്ക്; നറുക്കെടുപ്പ് നാളെ!
തിരുവനന്തപുരം: സംസ്ഥാന ഭാഗ്യക്കുറി വകുപ്പിന്റെ തിരുവോണം ബമ്പര് വില്പ്പന 70 ലക്ഷം ടിക്കറ്റുകള് കടന്നു. 80 ലക്ഷം ടിക്കറ്റുകളാണ് മൊത്തം വിപണിയിലിറക്കിയത്. നറുക്കെടുപ്പ് നാളെ (ബുധനാഴ്ച) ഉച്ചയ്ക്ക് ഒന്നരയ്ക്ക് ഗോര്ഖി ഭവനില് നടക്കും. ധനമന്ത്രി കെ എന് ബാലഗോപാല് ചടങ്ങില് പങ്കെടുക്കും.
തിങ്കളാഴ്ച വൈകുന്നേരം 4 മണി വരെയുള്ള കണക്കനുസരിച്ച് 6970438 ടിക്കറ്റുകളാണ് വിറ്റുപോയത്. വകുപ്പ് പ്രതീക്ഷിക്കുന്നത് എല്ലാ ടിക്കറ്റുകളും നാളെ വിറ്റുതീരുമെന്നാണ്. ഇതുവരെ ഖജനാവിലേക്ക് 350 കോടി രൂപയാണ് ഈ ഇനത്തിൽ കിട്ടിയത്.
25 കോടി രൂപയുടെ ഒന്നാം സമ്മാനവും ഒരു കോടി രൂപ വീതം 20 പേര്ക്ക് നല്കുന്ന രണ്ടാം സമ്മാനവും 50 ലക്ഷം രൂപയുടെ മൂന്നാം സമ്മാനവും 5 ലക്ഷം, 2 ലക്ഷം, 500 രൂപ എന്നിവയുടെ നാലും അഞ്ചും അവസാന സമ്മാനങ്ങളുമാണ് തിരുവോണം ബമ്പറില് ഉള്ളത്.
ഇക്കുറിയും വിൽപനയില് പാലക്കാട് ജില്ലയാണ് മുന്നില്. 1278720 ടിക്കറ്റുകളാണ് ഇവിടെ വിറ്റഴിക്കപ്പെട്ടത്. തിരുവനന്തപുരം (921350) തൃശൂര് (844390) എന്നിവയും മികച്ച വിൽപ്പന നേടി. മറ്റ് ജില്ലകളിലും അവശേഷിക്കുന്ന ടിക്കറ്റുകള് ഉടനടി വിറ്റു തീരും എന്ന നിലയിലേയ്ക്ക് വിൽപ്പന പുരോഗമിക്കുന്നു.
കേരളത്തില് മാത്രമാണ് സംസ്ഥാന ഭാഗ്യക്കുറിയുടെ വില്പ്പനയെന്നും പേപ്പര് ലോട്ടറിയായി മാത്രമാണ് വില്ക്കുന്നതെന്നും വകുപ്പ് ഊര്ജ്ജിതപ്പെടുത്തിയിട്ടുണ്ട്. ഹിന്ദി, തമിഴ്, കന്നഡ, തെലുങ്ക് ഭാഷകളിലും വ്യാജ ലോട്ടറിക്കെതിരേയുള്ള അവബോധ പ്രചരണം വകുപ്പ് നടത്തുന്നുണ്ട്.
First Piper 