Mon Oct 07 23:56:01 UTC 2024: ## पाकिस्तान क्रिकेटमध्ये कर्णधार बदल आणि संघाची दयनीय परिस्थिती: अश्विनचा रोखठोक टीका
पाकिस्तान क्रिकेटमध्ये दिवसागणिक उलथापालथ होत आहे. कधी काय होईल सांगता येत नाही. कर्णधारपदासाठी तर संगीत खुर्ची सुरू आहे असं म्हंटलं तर वावगं ठरणार नाही. त्यात पाकिस्तानच क्रिकेटची परिस्थिती दिवसागणिक दयनीय होत चालली आहे.
नुकतंच बांगलादेशने कसोटी क्रिकेटमध्ये पाकिस्तानला धूळ चारली होती. त्यामुळे सर्वच स्तरातून पाकिस्तान क्रिकेट संघावर टीका होत आहे. असं असताना भारताचा दिग्गज फिरकीपटू आर अश्विनने पाकिस्तान संघाबाबत आपलं परखड मत मांडलं आहे.
अश्विनने सांगितलं की, पाकिस्तान संघाची दया येते. त्यांच्याकडे चांगले खेळाडू असूनही संघात संगीत खूर्ची सुरू आहे. बाबर सोडलं तर शाहीन आफ्रिदी कॅप्टन झाला, पुन्हा बाबर आझमला कॅप्टन केलं आणि आता त्याने कर्णधारपद सोडलं आहे.
अश्विनने या व्हिडीओच्या माध्यमातून पाकिस्तानी खेळाडूंची कानउघडणी केली आहे. खेळाडू संघाऐवजी स्वत:च हित पाहण्यात गुंतले आहेत, असा अर्थ निघतो.
टी20 वर्ल्डकप स्पर्धेपूर्वी बाबर आझमला कर्णधारपद सोपवलं होतं. पण त्याने कर्णधारपद सोडताना खेळावर लक्ष केंद्रीत करणार असल्याचं सांगितलं आहे. 2023 वनडे वर्ल्डकप स्पर्धेपर्यंत बाबर आझम तिन्ही फॉर्मेटसाठी कर्णधार होता. निराशाजनक कामगिरीनंतर त्याने तिन्ही फॉर्मेटमधून कर्णधारपदाचा राजीनामा दिला. त्यानंतर टी20 संघाची धुरा शाहीन अफ्रिदी, तर कसोटीची धुरा शान मसूदच्या खांद्यावर सोपवण्यात आली होती. त्यानंतर पुन्हा उलथापालथ झाली.
अश्विनच्या वक्तव्याने पाकिस्तानात जोरदार चर्चा रंगली आहे. पाकिस्तानमधील पत्रकार अश्विनच्या वक्तव्याशी सहमत असल्याचं दिसत आहे. त्यामुळेच अश्विनचं वक्तव्य सोशल मीडियावर व्हायरल होत आहे.
First Piper 