Tue Oct 01 05:06:22 UTC 2024: ## ആകാശ് ദീപ്, ബംഗ്ലാദേശിനെ വീഴ്ത്തി ഇന്ത്യക്ക് മുൻതൂക്കം നൽകി
**കാൺപൂർ:** ബംഗ്ലാദേശിന്റെ രണ്ട് ഓപ്പണർമാരെയും മടക്കിയാണ് ഇന്ത്യൻ പേസർ ആകാശ് ദീപ് കാൺപൂർ ടെസ്റ്റിന്റെ ആദ്യ ദിനം ഇന്ത്യക്ക് മുൻതൂക്കം നൽകിയത്.
ആദ്യ സെഷനിൽ 26-2 എന്ന നിലയിലേക്ക് ബംഗ്ലാദേശ് വീണു. ഉച്ചഭക്ഷണത്തിന് മുൻപ് രണ്ട് വിക്കറ്റ് നഷ്ടത്തിൽ 74 എന്ന സ്കോറിലേക്ക് എത്താൻ ബംഗ്ലാദേശിന് സാധിച്ചു. മുഹമ്മദ് ഹസനും നജ്മുൽ ഷാന്റോയുമാണ് ബംഗ്ലാദേശിനെ തിരികെ കയറ്റാനുള്ള ശ്രമങ്ങളില്.
ആദ്യ സെഷനിൽ ബംഗ്ലാദേശ് ഓപ്പണർ ശദ്മാൻ ഇസ്ലമിനെതിരെ നൽകിയ റിവ്യുവില് തേർഡ് അംപയർ ഔട്ട് വിധിച്ചു. ഈ ഡിസിഷനെ തുടർന്ന് ക്യാപ്റ്റൻ രോഹിത് ശർമയുടെ പ്രതികരണം സമൂഹമാധ്യമങ്ങളില് വൈറലായി. ആകാശിന്റെ ഗുഡ് ലെങ്ത് ബോളിൽ ശദ്മാൻ വിക്കറ്റിന് മുൻപില് കുടുങ്ങുകയായിരുന്നു. ഓണ് ഫീൽഡ് അംപയർ നോട്ട്ഔട്ട് വിധിച്ചു. അമ്പയറുടെ തീരുമാനത്തില് പുനപരിശോധന തേടി ഡിസിഷൻ റിവ്യൂ സിസ്റ്റം ആവശ്യപ്പെടാന് ആകാശ് ക്യാപ്റ്റൻ രോഹിത്തിനെ നിർബന്ധിച്ചു. ഡിആർഎസ് എടുക്കുന്നതിനെ വിക്കറ്റ് കീപ്പർ ഋഷഭ് പന്തും അനുകൂലിച്ചു. അള്ട്രാ എഡ്ജില് പന്ത് ബാറ്റില് ഉരസുന്നില്ലെന്ന് വ്യക്തമായി. പന്ത് ലെഗ് സ്റ്റംപിന് നേരെ എത്തുവെന്ന് ബോള് ട്രാക്കിങ്ങിലും കണ്ടു. ഇതോടെ അത് ഔട്ട് ആണെന്ന് വിശ്വസിക്കാനാവാത്ത ഭാവത്തിലായിരുന്നു രോഹിത്തിന്റെ മുഖഭാവം.
കാൺപൂരില് രണ്ട് പേസര്മാരും മൂന്ന് സ്പിന്നര്മാരുമായി ഇന്ത്യ ഇറങ്ങാനാണ് സാധ്യത എന്നാണ് വിലയിരുത്തപ്പെട്ടിരുന്നത്. എന്നാല് രണ്ടാം ടെസ്റ്റിന്റെ തലേന്ന് കാൺപൂരില് പെയ്ത മഴ പ്ലേയിങ് ഇലവനെ തീരുമാനിക്കുന്നതിനേയും സ്വാധീനിച്ചു. ഇതോടെ ചെന്നൈ ടെസ്റ്റിന് ഇറങ്ങിയ അതേ ടീമിനെയാണ് ഇന്ത്യ കാൺപൂരും ഇറക്കിയത്. ചെന്നൈ ടെസ്റ്റിലും ആകാശ് ആദ്യ ഇന്നിങ്സില് രണ്ട് വിക്കറ്റ് വീഴ്ത്തിയിരുന്നു.
First Piper 