Mon Sep 30 16:48:04 UTC 2024: ## உச்சநீதிமன்றத்தில் வழக்கறிஞரை தலைமை நீதிபதி கண்டித்தார்!
உச்சநீதிமன்றத்தில் நடைபெற்ற வழக்கு விசாரணையின் போது, முன்னாள் தலைமை நீதிபதி ரஞ்சன் கோகோய்க்கு எதிராக உள் விசாரணை நடத்த வேண்டும் என வழக்கறிஞர் கோரியதையடுத்து, தலைமை நீதிபதி டி.ஒய்.சந்திரசூட் கடுமையான கண்டனங்களைப் பதிவு செய்துள்ளார்.
இந்திய முன்னாள் தலைமை நீதிபதி ரஞ்சன் கோகோய்க்கு எதிராக உள் விசாரணை நடத்த வேண்டும் என்ற வழக்கறிஞரின் கோரிக்கைக்கு, “இது ஒரு சட்டப்பிரிவு 32 மனுதானா? நீதிபதியை எதிர்மனுதாரராக வைத்து நீங்கள் எப்படி பொதுநல மனுவை தாக்கல் செய்யலாம்?” என்று தலைமை நீதிபதி கேள்வி எழுப்பினார்.
இதற்கு பதிலளித்த வழக்கறிஞர், “யா…யா…” (yeah) என்று ஆங்கிலத்தில் பதிலளித்ததற்கு, தலைமை நீதிபதி கடுமையாக எதிர்வினை தெரிவித்து, “இது காபி ஷாப் இல்லை! இது என்ன யா…யா… இந்த வார்த்தை எனக்கு அலர்ஜி. ஆம் என்று சொல்லிப்பழகுங்கள்” எனக் கோபத்துடன் குறிப்பிட்டார்.
மேலும், “ரஞ்சன் கோகோய் இந்த நீதிமன்றத்தின் முன்னாள் நீதிபதியாக இருந்தவர். நீதிபதிக்கு எதிராக இதுபோன்ற மனுவை நீங்கள் தாக்கல் செய்ய முடியாது. உள் விசாரணையை நீங்கள் கேட்க முடியாது” என்று வழக்கறிஞருக்கு அறிவுறுத்தினார்.
First Piper 