Thu Nov 07 19:12:39 UTC 2024: ## ബ്ലാസ്റ്റേഴ്സിന് കൊച്ചിയിൽ നിരാശപ്പെടുത്തുന്ന തോൽവി: ഹൈദരാബാദ് എഫ്സി 2-1ന് വിജയിച്ചു
കൊച്ചി: ഇന്ത്യൻ സൂപ്പർ ലീഗിൽ കേരള ബ്ലാസ്റ്റേഴ്സിന് വീട്ടിൽത്തന്നെ നിരാശപ്പെടുത്തുന്ന തോൽവി. പിന്നിൽ നിന്നും തിരിച്ചടിച്ച ഹൈദരാബാദ് എഫ്സി 2-1ന് ബ്ലാസ്റ്റേഴ്സിനെ കീഴടക്കി. ബ്രസീലിയൻ താരം ആന്ദ്രെ ആൽബയുടെ ഇരട്ട ഗോളുകളാണ് ഹൈദരാബാദിന് വിജയം സമ്മാനിച്ചത്. 43-ാം മിനിറ്റിലും 70-ാം മിനിറ്റിൽ പെനൽറ്റിയിലൂടെയുമായിരുന്നു താരത്തിന്റെ ഗോളുകൾ.
ബ്ലാസ്റ്റേഴ്സിന്റെ ഏക ഗോൾ 13-ാം മിനിറ്റിൽ ഹെസൂസ് ഹിമെനെ നേടി. ഹൈദരാബാദിന്റെ വിജയഗോളിലേക്കു വഴിതെളിച്ച പെനൽറ്റി വിവാദത്തിന്റെ ചുവയുണ്ടായിരുന്നെങ്കിലും ആദ്യപകുതിയെ അപേക്ഷിച്ച് രണ്ടാം പകുതിയിൽ മികച്ച പ്രകടനം കാഴ്ചവച്ച ഹൈദരാബാദിന് ലഭിച്ച പ്രതിഫലമായിരുന്നു ഈ ഗോൾ. ആദ്യപകുതിയിൽ ബ്ലാസ്റ്റേഴ്സ് ആധിപത്യം പുലർത്തിയെങ്കിലും സുവർണാവസരങ്ങൾ മുതലെടുക്കുന്നതിൽ താരങ്ങൾക്ക് പിഴവ് സംഭവിച്ചു.
വിജയത്തോടെ ഏഴു കളികളിൽനിന്ന് രണ്ടു ജയവും ഒരു സമനിലയും സഹിതം 7 പോയിന്റുമായി ഹൈദരാബാദ് എഫ്സി 11–ാം സ്ഥാനത്തുതന്നെ തുടരുന്നു. എട്ടു മത്സരങ്ങളിൽനിന്ന് സീസണിലെ നാലാം തോൽവി വഴങ്ങിയ ബ്ലാസ്റ്റേഴ്സ് എട്ടു പോയിന്റുമായി 10–ാം സ്ഥാനത്തും തുടരുന്നു.
First Piper 