Wed Oct 30 13:10:00 UTC 2024: ## ദുൽഖർ സൽമാന്റെ ‘ലക്കി ഭാസ്കർ’ നാളെ തിയേറ്ററുകളിൽ
മലയാള സിനിമയുടെ പ്രിയപ്പെട്ട നടൻ ദുൽഖർ സൽമാൻ നായകനായ പാൻ ഇന്ത്യൻ ചിത്രം ‘ലക്കി ഭാസ്കർ’ നാളെ (ഒക്ടോബർ 31) തിയേറ്ററുകളിൽ എത്തുന്നു. വെങ്കി അറ്റ്ലൂരി രചനയും സംവിധാനവും നിർവഹിക്കുന്ന ചിത്രം 80കളുടെയും 90കളുടെയും ബോംബെ നഗരത്തിന്റെ പശ്ചാത്തലത്തിലാണ് അവതരിപ്പിക്കുന്നത്. ഒരു സാധാരണക്കാരന്റെ അസാധാരണ യാത്രയെന്ന വിശേഷണത്തോടെ എത്തുന്ന ഈ പീരീഡ് ചിത്രം സസ്പെൻസും ആകാംഷയും ഡ്രാമയും നിറഞ്ഞതാണ്.
പണത്തിനായി എന്ത് അപകടവും ഏറ്റെടുക്കാൻ തയ്യാറുള്ള ഭാസ്കർ കുമാർ എന്ന കഥാപാത്രമായി ദുൽഖർ ചിത്രത്തിൽ എത്തുന്നു. കേരളത്തിനൊപ്പം ഗൾഫ് രാജ്യങ്ങളിലും ചിത്രത്തിന് വമ്പൻ റിലീസായി വിതരണം ചെയ്യുന്നത് ദുൽഖർ സൽമാന്റെ വേഫെറർ ഫിലിംസ് ആണ്. മീനാക്ഷി ചൗധരിയാണ് ചിത്രത്തിലെ നായിക.
തെലുങ്ക്, മലയാളം, തമിഴ്, ഹിന്ദി ഭാഷകളിൽ ഈ ചിത്രം ഗൾഫ് രാജ്യങ്ങളിൽ റിലീസ് ചെയ്യും.
First Piper 