Thu Oct 17 21:02:34 UTC 2024: ## ബ്രിട്ടീഷ് ഗായകൻ ലിയാം പെയ്ൻ അർജന്റീനയിൽ മരിച്ചു
ബ്രിട്ടീഷ് ഗായകൻ ലിയാം പെയ്ൻ (31) അർജന്റീനയിലെ ബ്യൂണസ് ഐറിസിലുള്ള ഒരു ഹോട്ടലിൽ നിന്ന് വീണ് മരിച്ചു. ബുധനാഴ്ച വൈകിട്ടായിരുന്നു അപകടം. കാസ സർ ഹോട്ടലിന്റെ മൂന്നാം നിലയിൽ നിന്നാണ് അദ്ദേഹം വീണത്. മദ്യമോ മയക്കുമരുന്നോ ഉപയോഗിച്ചിരുന്നുവെന്നും മുറിയുടെ ബാൽക്കണിയിൽ നിന്ന് പുറത്തേക്ക് ചാടിയതാണെന്നുമാണ് പ്രാഥമിക നിഗമനം.
ലിയാം സെപ്റ്റംബർ 30ന് കാമുകി കെയിറ്റ് കാസിഡിയയോടൊപ്പം അർജന്റീനയിൽ അവധിക്കാലം ചെലവഴിക്കാനെത്തിയിരുന്നു. എന്നാൽ ഈ മാസം 14ന് കാമുകി തിരിച്ച് പോകുകയും ലിയാം അർജന്റീനയിൽ തന്നെ തുടരുകയുമായിരുന്നു. മുൻ കാമുകി മായ ഹെന്റിയുമായി ബന്ധപ്പെട്ട നിയമപ്രശ്നങ്ങളെ തുടർന്ന് ലിയാം സമ്മർദ്ദത്തിലായിരുന്നുവെന്നാണ് റിപ്പോർട്ട്.
പ്രശസ്ത ബ്രിട്ടീഷ് ബോയ് ബാൻഡ് വൺ ഡയറക്ഷനിലൂടെ ശ്രദ്ധ നേടിയ ഗായകനായിരുന്നു ലിയാം. 2015ൽ ബാൻഡ് വേർപിരിയൽ പ്രഖ്യാപിച്ചതിന് പിന്നാലെ സോളോ ആൽബങ്ങളുമായി ലിയാം എത്തിയിരുന്നു. പുതിയ സോളോ ആൽബത്തിന്റെ പണിപ്പുരയിലിരിക്കെയാണ് അപ്രതീക്ഷിത മരണം.
First Piper 