Wed Oct 09 11:51:00 UTC 2024: ## മൂന്ന് ശാസ്ത്രജ്ഞർക്ക് ഈ വർഷത്തെ രസതന്ത്ര നൊബേൽ പുരസ്കാരം
സ്റ്റോക്ക്ഹോം: ഡേവിഡ് ബേക്കർ, ഡെമിസ് ഹസാബിസ്, ജോണ് എം ജംബർ എന്നിവർക്ക് ഈ വർഷത്തെ രസതന്ത്രത്തിനുള്ള നൊബേൽ പുരസ്കാരം ലഭിച്ചു. പ്രോട്ടീനുമായി ബന്ധപ്പെട്ട ഗവേഷണങ്ങളാണ് പുരസ്കാരത്തിന് അർഹമാക്കിയത്.
കമ്പ്യൂട്ടേഷണൽ പ്രോട്ടീൻ ഡിസൈനുമായി ബന്ധപ്പെട്ട ഗവേഷണത്തിന് ഡേവിഡ് ബേക്കറിനും പ്രോട്ടീനിന്റെ ഘടനാ പ്രവചനവുമായി ബന്ധപ്പെട്ട ഗവേഷണങ്ങൾക്കാണ് ഹസാബിസിനും ജംബർക്കും പുരസ്കാരം ലഭിച്ചത്.
യൂണിവേഴ്സിറ്റി ഓഫ് വാഷിങ്ടണിലെ ഡേവിഡ് ബേക്കർ ജീവിതത്തിന്റെ നിർമ്മാണ ബ്ലോക്കുകളെ എങ്ങനെ കൈകാര്യം ചെയ്യാമെന്നും പൂർണ്ണമായും പുതിയ പ്രോട്ടീനുകള് സൃഷ്ടിക്കാമെന്നുമാണ് ഗവേഷണം നടത്തിയത്.
ഹസാബിസും ജംബറും ഗൂഗിൾ ഡീപ്മൈൻഡിൽ ജോലി ചെയ്യുന്നവരാണ്. എല്ലാ പ്രോട്ടീനുകളുടെയും ഘടന പ്രവചിക്കാൻ ആർട്ടിഫിഷ്യൽ ഇന്റലിജൻസ് വിജയകരമായി ഉപയോഗിക്കുന്നതിലാണ് അവരുടെ ഗവേഷണത്തിന്റെ പ്രാധാന്യം.
First Piper 