Wed Oct 09 10:26:32 UTC 2024: ## വയനാട്ടിലേക്ക് പറന്നു ഓണം ബംപറിന്റെ 25 കോടി!
വയനാട് സുൽത്താൻബത്തേരിയിലെ എൻജിആർ ലോട്ടറി കടയിൽ നിന്നും വിറ്റ TG434222 എന്ന ലോട്ടറിക്കാണ് ഇത്തവണത്തെ ഓണം ബംപറിന്റെ ഒന്നാം സമ്മാനമായ 25 കോടി രൂപ സമ്മാനമടിച്ചത്.
ലോട്ടറി വിറ്റ ഏജന്റിന് 2.50 കോടി രൂപ ഏജൻസി കമ്മീഷൻ ലഭിക്കും. കർണാടക മൈസൂർ സ്വദേശിയായ നാഗരാജുവാണ് ഈ ഭാഗ്യത്തിന്റെ ഉടമ. കൂലിപ്പണിക്കായി കേരളത്തിൽ എത്തി ലോട്ടറി ഏജന്റായി മാറിയ നാഗരാജു 15 വർഷമായി വയനാട്ടിലുണ്ട്. ബത്തേരിയിൽ കൂലിപ്പണിക്കായി വന്ന ശേഷം ഹോട്ടൽ പണിയെടുത്തു. പിന്നീട് ബത്തേരിയിലെ പല ലോട്ടറി കടകളിലും ജോലിക്കാരനായി. 5 വർഷം മുൻപ് സ്വന്തം ലോട്ടറി കട തുറന്ന നാഗരാജുവിന് ഇതാദ്യമായിട്ടാണ് ബംപർ അടിക്കുന്നത്.
രണ്ട് മാസം മുൻപ് വിൻവിൻ ലോട്ടറിയിൽ ഒന്നാം സമ്മാനമായ 75 ലക്ഷം രൂപ സമ്മാനമടിച്ചിരുന്നതായും നാഗരാജു പറഞ്ഞു. നാഗരാജു പനമനരത്തെ ഏജൻസിയിൽ നിന്നുമാണ് ടിക്കറ്റ് എടുത്തത്. ടിക്കറ്റ് ഒരു മാസം മുൻപ് വിറ്റതായി നാഗരാജു മനോരമ ന്യൂസിനോട് പറഞ്ഞു. “സന്തോഷം കൊണ്ട് കൈ വിറച്ചുകൊണ്ടിരിക്കുകയാണ്” എന്നും അദ്ദേഹം കൂട്ടിച്ചേർത്തു.
First Piper 