Fri Oct 04 19:30:29 UTC 2024: ## കാൺപൂരിൽ ടൈം മെഷീൻ വാഗ്ദാനം ചെയ്ത് 35 കോടി രൂപ തട്ടിയെടുത്തു
**കാൺപൂർ:** ഇസ്രയേൽ നിർമിത ‘ടൈം മെഷീൻ’ വാഗ്ദാനം ചെയ്ത് ആളുകളിൽ നിന്നും 35 കോടി രൂപ തട്ടിയെടുത്ത കേസിൽ ഉത്തർപ്രദേശിലെ കാൺപൂരിൽ പൊലീസ് കേസ് രജിസ്റ്റർ ചെയ്തു. രാജീവ് കുമാർ ദുബെ, ഭാര്യ രശ്മി ദുബെ എന്നിവരാണ് പ്രതികൾ.
‘റിവൈവൽ വേൾഡ്’ എന്ന പേരിൽ കിദ്വായ് നഗർ പ്രദേശത്ത് ഒരു തെറാപ്പി സെന്റർ ആരംഭിച്ച ഇവർ, ഇസ്രയേലിൽ നിന്ന് ഇറക്കുമതി ചെയ്ത ടൈം മെഷീൻ തെറാപ്പി സെന്ററിൽ ഉണ്ടെന്നും അത് 60 വയസുള്ളയാളെ 25 വയസുകാരനാക്കാൻ സഹായിക്കുമെന്നും ആളുകളെ പറഞ്ഞ് നടത്തി.
ഓക്സിജൻ തെറാപ്പിയിലൂടെ വയോധികരെ ചെറുപ്പമാക്കാൻ സാധിക്കുമെന്ന് വാഗ്ദാനം ചെയ്ത ഇവർ, പ്രദേശത്തെ മലിനവായു കാരണം ആളുകൾ പെട്ടെന്ന് പ്രായമായെന്നും ഓക്സിജൻ തെറാപ്പിയിലൂടെ യൗവനം തിരികെ കൊണ്ടുവരാമെന്നും ജനങ്ങളെ തെറ്റിദ്ധരിപ്പിച്ചു. 10 സെഷന്റെ പാക്കേജിന് 6,000 രൂപയാണ് ഈടാക്കിയത്. 90,000 രൂപയ്ക്ക് മൂന്ന് വർഷത്തേക്കുള്ള പാക്കേജും വാഗ്ദാനം ചെയ്തു.
തന്റെ കയ്യിൽ നിന്നും ദമ്പതികൾ 10.75 ലക്ഷം രൂപ ഇത്തരത്തിൽ തട്ടിയെടുത്തെന്ന് പരാതിക്കാരിൽ ഒരാളായ രേണു സിംഗ് പറഞ്ഞു. നൂറുകണക്കിന് ജനങ്ങളിൽ നിന്നായാണ് ഇവർ 35 കോടിയോളം രൂപ തട്ടിയെടുത്തത്.
പൊലീസ് കേസ് രജിസ്റ്റർ ചെയ്തതായി അറിയിച്ചു. ദമ്പതികൾ ഒളിവിൽ പോയതായി സംശയിക്കുന്നു. ഇവരെ കണ്ടെത്തുന്നതിനുള്ള തെരച്ചിൽ ആരംഭിച്ചു.
First Piper 