Mon Sep 30 21:27:00 UTC 2024: ## ‘ఐ హేట్ మ్యారేజ్’ : సుగి విజయ్, జుప్సీ భద్ర జంటగా
హైదరాబాద్: సుగి విజయ్ మరియు జుప్సీ భద్ర జంటగా నటిస్తున్న కొత్త చిత్రం ‘ఐ హేట్ మ్యారేజ్’ సోమవారం హైదరాబాద్లో ప్రారంభమైంది. ఆర్య సినిమా పతాకంపై ఎం. దయానంద్ నిర్మిస్తున్న ఈ చిత్రానికి పరమేష్ రేణుకుంట్ల దర్శకత్వం వహిస్తున్నారు.
ముహుర్తపు సన్నివేశానికి నిర్మాత శ్రీనివాస రాజు క్లాప్ నివ్వగా, ప్రముఖ దర్శకుడు సుకుమార్ అన్నయ్య, రచయిత, నిర్మాత విజయ్కుమార్ కెమెరా స్వీచ్చాన్ చేశారు. చిత్ర సంగీత దర్శకుడు వరికుప్పల యాదగిరి ముహుర్తపు సన్నివేశానికి గౌరవ దర్శకత్వం వహించారు.
దర్శకుడు పరమేష్ రేణుకుంట్ల మాట్లాడుతూ, ‘నేటి యువతరంతో పాటు కుటుంబ ప్రేక్షకలు నచ్చే భావోద్వేగాలతో ఈ సినిమాను రూపొందిస్తున్నాం. యూత్ఫుల్ రొమాంటిక్ ఎంటర్టైనర్గా రూపొందనున్న ఈ చిత్రంలో అన్ని వర్గాల వారికి కావాల్సిన అంశాలు ఉన్నాయి. ముఖ్యంగా ఈ చిత్రంలో ఎంటర్టైన్మెంట్ అందరిని కడుపుబ్బ నవ్విస్తుంది’ అని పేర్కొన్నారు.
నిర్మాత ఎం. దయానంద్ మాట్లాడుతూ, ‘సోమవారం నుంచి చిత్రీకరణ ప్రారంభమైంది. ఏకధాటిగా డిసెంబర్ వరకు జరగే షెడ్యూల్తో చిత్రీకరణ పూర్తవుతుంది. రొటిన్కు భిన్నంగా ఓ కొత్త కాన్సెప్ట్తో ఈ చిత్రాన్ని ప్రేక్షకులకు అందించబోతున్నాం’ అని తెలిపారు.
సుగి విజయ్, జుప్సీ భద్ర, పృథ్వీ, ఆశ్రిత, లోహిత్ తదితరులు ఈ చిత్రంలో నటిస్తున్నారు. డైరెక్టర్ ఆఫ్ ఫోటోగ్రఫీ: విజయ్.సి.కుమార్, సంగీతం: వరికుప్పల యాదగిరి, అడిషినల్ డైలాగ్స్: శ్రీనివాస్ తేజ.
First Piper 